حذف الحساب
بتقدر تحذف حسابك وبياناتك بأي وقت، من التطبيق أو من الموقع.
كيف بتحذف حسابك
- سجّل دخولك، وافتح الإعدادات.
- انزل لآخر الصفحة، واضغط حذف حسابي.
- أكّد إنك إنت صاحب الحساب: بكلمة السر، أو برمز بنبعتو لرقمك أو إيميلك المسجّل.
- اكتب كلمة «حذف» واضغط التأكيد.
إذا ما قدرت تدخل لحسابك، ابعتلنا من الإيميل المسجّل بالحساب على admin@bastabay.com ورح نساعدك.
شو بيصير بعد الطلب
- بنسجّل خروجك من كل الأجهزة، وبنخفي إعلاناتك فوراً، وبنوقف الإشعارات.
- عندك 14 يوم لتغيّر رأيك: سجّل دخولك واضغط «إلغاء الحذف»، وبيرجع حسابك وإعلاناتك متل ما كانوا.
- بعد 14 يوم بنحذف حسابك نهائياً وبدون رجعة.
شو بينحذف
- حسابك: اسمك، رقم موبايلك، إيميلك، وكلمة سرك.
- إعلاناتك وصورها.
- محادثاتك ورسائلك وصورها (بتنمسح عند الطرفين).
- مفضلتك، وأجهزتك المسجّلة للإشعارات، والحسابات المربوطة (متل Google).
شو ممكن يضل
البلاغات اللي انقدّمت ضد حسابك أو إعلاناتك بتضل بدون أي معلومة شخصية، لنحمي باقي المستخدمين من الاحتيال. وما في نسخ احتياطية تحتفظ ببياناتك بعد الحذف.
تواصل معنا
لأي سؤال: admin@bastabay.com