سياسة الخصوصية
آخر تحديث: تشرين الأول 2026
بهالسياسة منشرح شو المعلومات اللي بيجمعها بسطة (الموقع والتطبيق)، وليش، وكيف منحميها. استخدامك للمنصة يعني إنك قريت هالسياسة.
شو المعلومات اللي منجمعها
- معلومات الحساب: رقم الموبايل أو الإيميل اللي بتدخل فيه، والاسم إذا كتبته، ولغة الواجهة.
- الإعلانات: العنوان والوصف والصور والسعر والقسم والمكان اللي بتختاره. الإعلانات المنشورة بيشوفها الكل.
- الموقع: إذا اخترت «قريب مني» أو «موقعي»، منستخدم موقعك لنرتّب النتائج أو لنحدد مكان إعلانك. ما منعرض موقعك الدقيق: موقع الإعلان بينزاح شوي للحماية.
- الصور: منمسح منها كل المعلومات المخفية، ومنها موقع الكاميرا (GPS)، قبل ما تنحفظ.
- الرسائل: الدردشة بين المشتري والبائع محفوظة لتوصل للطرفين. فريق المراجعة ما بيشوفها إلا إذا حدا من أطرافها بلّغ عنها.
- معلومات تقنية: نوع الجهاز، وتوكن الإشعارات إذا وافقت عليها، وسجلات الأخطاء لنصلّح المشاكل.
ليش منستخدمها
- لنشغّل حسابك وإعلاناتك والدردشة والإشعارات.
- لنحمي المستخدمين من الاحتيال والسبام ونراجع الإبلاغات.
- لنحسّن المنصة.
ما منبيع معلوماتك لحدا. رقمك ما بيظهر للمشترين إلا إذا فعّلت إظهاره، وبس للمسجّلين.
مين بيشوف معلوماتك
- الإعلانات المنشورة واسمك كبائع: للكل.
- مزوّدي الخدمة اللي بنحتاجهم للتشغيل (الاستضافة، الإيميل، رسائل الرموز، إشعارات الموبايل)، وبس بالقدر اللازم.
- الجهات الرسمية إذا طلبتها بشكل قانوني.
الكوكيز والتخزين بالجهاز
منستخدم كوكي لتضل مسجّل دخول، وكوكي للغة. ومنستخدم على الموقع خدمة Google Analytics (عبر كوكيز تحليلية) لنفهم كيف بيستخدم الناس الموقع: الصفحات اللي بتنزار وعدد الزوار. ما بتعرّفنا بإسمك ولا برقمك، وبتقدر تمنعها من إعدادات المتصفح. بالتطبيق، التوكن محفوظ بالتخزين المشفّر للموبايل. ما منستخدم كوكيز إعلانية.
قديش منحتفظ فيها
طول ما حسابك موجود. الإعلانات المحذوفة والمحادثات بتنمسح بعد فترة. النسخ الاحتياطية بتنمسح خلال 14 يوم.
حقوقك
بتقدر تعدّل معلوماتك من الإعدادات، وتطفي أي نوع إشعارات، وتطلب نسخة من معلوماتك عبر الإيميل تحت. وبتقدر تحذف حسابك بالكامل بنفسك من الإعدادات: بيصير عندك 14 يوم لتغيّر رأيك، وبعدها بنحذفه نهائياً مع إعلاناتك ومحادثاتك. التفاصيل بصفحة حذف الحساب.
تواصل معنا
لأي سؤال عن خصوصيتك: admin@bastabay.com